வாழ்க்கையை
விடுதலைப் போரினாலும், மரணத்தை
அஞ்சாத தியாகத்தாலும் .
கடைசி வரைக்கும்
கனப்படுத்தி,
பூமி கனக்கப்
புதைந்த புலிகளே!
காலத்தின்
செவிகளில்
உமது கர்ச்சனை..
யுகங்களின் நெற்றியில்
உமது திருப்பெயர்..
நாளைய மானுடப்
பிஞ்சு முகங்கள் -
முகர்ந்து பார்க்கும்
ஒவ்வொரு பூவிலும்
உங்கள் உயிரின்
வாசம் கமழும்...
நாளைய விடியலை
ஈழத்தில் எழுத ,
நீளும் கதிர்களில்
நிச்சயம் உமது
உயிரின் சூடும்
ஒன்றித்திருக்கும்.
துரோகத்
தூசுப் படலத்தை.
உயிரின் சுவாலையால்
பொசுக்கிய புலிகளே!
காலியான சயனைட் குப்பிகளும், கழன்று கிடக்கும் தோள் துப்பாக்கிகளும் ,
இன்னும் உலராத
இளைய ரத்தமும்...
அனைத்திலும் மேலாய்
உம் வாழ்வும்,
மரணமும்,
விடுதலை வரித்த அடையாளங்களாய் -வரலாற்று வரிகளில்
கனத்துக் கிடக்கும்!
ரத்த சாட்சிகளே!
வீரவணக்கம்.🙏
கவிஞர் இன்குலாப் -
No comments:
Post a Comment