என்னை நீ தோற்கடிக்க முடியாது !
நான் உன் போர்க்களத்திற்குள் நுழைபவனில்லை.
உன்னை வலிந்து
என் களத்திற்குள் இழுப்பவன் நான்.
எனைப் பார்வையாளனாகக் கருதி நீ-பரிகசிக்கலாம்.
என் சிந்தனைகளை ஒட்டுக்கேட்கும் தொழில்நுட்பமும் உன்னிடமிருக்கலாம்.
என் நெற்றிப்பொட்டில்
ஒளிவீசுகிறது உன்மீதான என் வன்மம்.
என் தேசத்தின் இருப்பே உனக்கு
செரிப்பதில்லை.
என் சொற்களைச் சுமக்கும் மொழியைக் கண்டால்
நரகலைப்போல முகம் சுளிக்கிறாய் நீ!
40 சுடுகாட்டுப் பொம்மைகளை நம்பி நானில்லை என்பதில்
நீ இன்னும் எரிச்சல் கொள்கிறாய்.
என் இனிய இந்தியாவே!
எவனையும் சார்ந்திராத என் சினத்தின் உட்கூட்டில்
உனக்கு ஒரு அழகிய நிலவறை தோண்டியிருக்கிறேன்.
உனை நல்ல நேரம் பார்த்துப் புதைப்பேன்.
அப்போது
அனிச்சையாய் நீ அலறுவாய்!
என் ஆகச்சிறந்த மொழியின் அழகான ஒரு சொல்லில்
அம்மா என்று....
தோழர் செ. இளங்கோவன்
No comments:
Post a Comment